National

મુસાફરોથી ભરેલી બસ ૧૦૦ ફૂટ ઊંડી ખીણમાં ખાબકી; ૨ ના મોત

Spread the love

જમ્મુ-કાશ્મીરમાં ગમખ્વાર અકસ્માત

અકસ્માતની જાણ થતાં જ સ્થાનિક લોકો અને રાહત-બચાવ ટુકડીઓ ઘટનાસ્થળે પહોંચી ગઈ હતી

(સંપૂર્ણ સમાચાર સેવા)
જમ્મુ, તા.૨૨ ઓક્ટોબર ૨૦૨૬ — જમ્મુ અને કાશ્મીરના ઉધમપુર જિલ્લામાં બુધવારે સવારે એક દર્દનાક માર્ગ અકસ્માત સર્જાયો હતો. પંચૌંડથી ઉધમપુર તરફ જઈ રહેલી એક મુસાફર બસ અનિયંત્રિત થઈને ગુલ્લી ગાલા વિસ્તારમાં આશરે ૧૦૦ ફૂટ ઊંડી ખીણમાં ખાબકી હતી. આ કરુણ દુર્ઘટનામાં એક યુવતી અને એક મહિલાનું ઘટનાસ્થળે જ નિધન થયું છે, જ્યારે ૧૬ થી વધુ મુસાફરો ગંભીર રીતે ઘાયલ થયા છે. અકસ્માતની જાણ થતાં જ સ્થાનિક લોકો અને રાહત-બચાવ ટુકડીઓ ઘટનાસ્થળે પહોંચી ગઈ હતી.મળતી વિગતો અનુસાર, મુસાફર બસ સવારે લગભગ ૬ઃ૪૫ વાગ્યે પંચૌંડથી ઉધમપુર જવા માટે રવાના થઈ હતી. સવારે આશરે ૭ઃ૩૦ વાગ્યાના સુમારે, પંચૌંડથી માત્ર ૫ કિલોમીટર અને લાતી મુખ્યાલયથી ૪૫ કિલોમીટર દૂર આવેલા ‘ગુલ્લી ગાલા’ નામના જોખમી વળાંક પાસે ડ્રાઇવરે વાહન પરનો કાબૂ ગુમાવ્યો હતો, જેના કારણે બસ સીધી ઊંડી ખીણમાં ગરકાવ થઈ ગઈ હતી.અકસ્માતનો અવાજ સાંભળીને આસપાસના સ્થાનિક રહીશો તાત્કાલિક મદદ માટે દોડી આવ્યા હતા. તેમણે જીવના જોખમે ખીણમાં ઊતરીને બસમાં ફસાયેલા મુસાફરોને બહાર કાઢવાનું બચાવ કાર્ય શરૂ કર્યું હતું. ઘાયલોને તાત્કાલિક ધોરણે ખાનગી વાહનો અને એમ્બ્યુલન્સ મારફતે રામનગરની સબ-ડિસ્ટ્રિક્ટ હોસ્પિટલમાં સારવાર અર્થે ખસેડવામાં આવ્યા હતા.સ્થાનિક ભૂતપૂર્વ સરપંચ હંસ રાજના જણાવ્યા મુજબ, જે સ્થળે અકસ્માત સર્જાયો છે ત્યાં રસ્તાની સ્થિતિ અત્યંત બિસ્માર અને ખરાબ છે. પ્રાથમિક દ્રષ્ટિએ રસ્તાની આ કન્ડિશન જ અકસ્માતનું મુખ્ય કારણ હોવાનું માનવામાં આવી રહ્યું છે. જોકે, સ્થાનિક પોલીસ અને વહીવટીતંત્રે આ મામલે ગુનો નોંધીને અકસ્માતના ચોક્કસ કારણો જાણવા માટે તપાસ હાથ ધરી છે.

Related posts

અમેરિકામાં ભારતીયોને રોજગાર આધારિત ગ્રીનકાર્ડ હાલ મળશે નહીં

Police-Story

૩૭ ગીગાવૉટની ક્ષમતાના ઉમેરા સાથે સૌર ઊર્જા મામલે ભારતે અમેરિકાને પછાડ્યું

Police-Story

ભારતની દીકરીઓએ કોમનવેલ્થ ગેમ્સ ૨૦૨૬માં મચાવી ધૂમ

Police-Story